Физикална медицина и рехабилитација

Историја

Првите чекори на Службата за физикална медицина и рехабилитација датираат од 1960 година. Поорганизирана работа започнала во 1946 година, кога службата веќе има постојано вработени лекар и терапевти.

Подоцна службата работи и во стационарен дел во просториите на старата специјална болница, заедно со Ортопедското одделение.

Во 1972 година се одделува како посебна работна единица со стационарен и амбулантски дел. Од 1983 година, службата се сместува во наменски новоизградена зграда, во која работеа основачите на службата: д-р Петар Илиевски, д-р Владимир Белевски, младите специјализанти д-р Владо Кирковски, д-р Христаки Спасевски и д-р Станко Ристевски.

Основна дејност

Во својата работа, оваа служба, применува физикални агенси во функција на медицинска превенција, лекување и рехабилитација.

Организациона поставеност

По својата организациона поставеност службата се состои од:

• Стационар со 34 болнички кревети и
• Амбулантски дел

Диспанзерот се состои од неколку работни единици и тоа:

• Амбуланта
• Оддел за електро-терапија
• Оддел за кинези-терапија со современа кинези сала
• Оддел за хидро-терапија со базен
• Оддел за парафино-терапија и
• Оддел за мануелна масажа

Високо едуциран кадар и современи методи

Во поново време воведени се и нови методи и тоа: ласеро-терапија, магнет-терапија и шок-вејв терапија.

Што се однесува до персоналот, на почетокот во оваа служба работеа само од неколку терапевти, но постепено се вработуваа лекари специјалисти, виши терапевти и терапевти со средна стручна подготовка.

До 2014 година носители на дејноста беа 6 лекари специјалисти. Но, откако дел од кадарот се пензионираше, службата се состои од:

Здравствена заштита за цел Југозападен регион

Вака организирана, службата дава здравствена заштита на населението од Битола и пошироко, односно од целиот Југо-западен регион, годишно со просечна хоспитализација од 538 пациенти и 10.150 амбулантски прегледи (просек за 2015 година).

Третман на пациенти

Во својата работа, службата за физикална медицина и рехабилитација, главно ги третира следните категории на пациенти:

• Интернистички болести (најчести ревматолошки – воспалителен и вонзглобен ревматизам и дегенеративни заболувања),
• Ортопедски (оперативно и конзеравативно третирани),
• Состојби после повреди,
• Невролошки заболувања (централни и периферни на моторен неврон),
• Гинеколошки случаи (стерилитети и хронични заболувања),
• Консултативни прегледи и широка соработка со сите служби во рамките на Клиничката болница- Битола.

Перспективи и развој

Преспективата на оваа служба е насочена кон домашно лекување на пациенти кои не се транспортабилни.

Перспективите за развој на самата служба се во зајакнувањето на капацитетот на пооделни работни единици со опрема и персонал, особено со доопремување и обновување на одделот на хидро-терапија со базен.