Ментално здравје на деца и млади

Историја

Почетоците на организираната заштита на менталното здравје на деца и млади во Битола датираат од 25-ти мај 1982 година, како Советувалиште за ментално здравје на деца и млади во рамките на Службата за школска медицина.

Како Одделение за заштита на ментално здравје на деца и млади во рамките на Клиничката болница Битола функционира од 1992 година. Прв раководител е д-р Омер Сулејман, специјалист од областа на детската психијатрија.

Основна дејност

Основната дејност на одделението е:

• Заштита и унапредување на менталното здравје на децата и младите (примарна, секундарна и терцијална).
• Дијагностицирање и третман на децата и младите со:
• растројства во односите и емоциите што обично почнуваат во детството и адолесценцијата,
• растројства во психолошкиот развој,
• душевна заостанатост,
• растројства на личноста и на односите,
• растројства во расположението,
• растројства со стрес поврзани и соматоформни растројства,
• растројства во односите предизвикани од употреба на психоактивни супстанци,
• сидроми на односите придружени со физиолошки нарушувања и физикални фактори,
• развојни и стекнати говорно-јазични потешкотии и
• специфични развојни растројства на школските вештини.
• Освен основната дејност, ова одделение, се бави и со: консултативна и менторска работа, едукативна работа, научна и стручна истражувачка работа, соработува со родители и други релевантни институции во градот, регионот и Републиката.

Организациона поставеност

Во рамките на Одделението за заштита на ментално здравје на деца и млади функционираат 8 комисии за распоредување на лица со пречки во психичкиот и физичкиот развој до 26 годишна возраст.

Исто така, функционира и ЕЕГ кабинет за деца и млади кои имаат афективно-афебрилни конвулзивни атаки и Епилепсија.

Високо едуциран кадар