Најава на проект за битолскиот регион и пошироко најави директорот на ЈЗУ Клиничка Болница  Др. Зоран Лазаров: Ќе се спроведе скрининг на над  200 пациентки во вид на мамографски прегледи и гинеколошки ПАП тестови.

Со организиран превоз ќе се носат пациентките од Новаци, Претор, Грнчари и Меџитлија во болницата за овие прегледи се со цел на превентивата да му дадеме уште поголемо значење. Директорот  Др. Зоран Лазаров истакна и  дека позитивните движења во Клиничката болница продолжуваат и јавно им упати благодарност на министерот за здравство Венко Филипче, министерот за локална самоуправа Горан Милевски, директорот на ЕСМ Васко Ковачевски и директорите на јавните претпријатија за големата логистика и помош што им ја даваат.